top of page

PHILIPPINE AIR FORCE RESERVE COMMAND 8TH AIR RESERVE CENTER MIPAHIGAYON OG COURTESY VISIT SA BUHATAN NI CONGRESSMAN LORDAN SUAN.

PHILIPPINE AIR FORCE RESERVE COMMAND 8TH AIR RESERVE CENTER MIPAHIGAYON OG COURTESY VISIT SA BUHATAN NI CONGRESSMAN LORDAN SUAN.


Mi bisita niadtong Enero 25, 2024 sa hapon, ang Philippine Air Force Reserve Command 8th Air Reserve Center nga nahimutang sa Tactical Operations Group 10 (TOG10) Compound, Lumbia ning syudad diha sa buhatan ni Congressman Atty. Lordan Suan sa Alagang Tingog Center inubanan ni Lt. Col. Carlos Chan ug mga kauban sa Philippine Air Force diin sila gi dawat pinaagi ni District 1, Assistant District Director Bert Amplayo


kinsa nakig kamustahay ilabina kalabot sa mga kalihokan sa pwersa, kini isip parte sa matag tuig ug tradisyonal nga Courtesy Call sa congressional office sa lugar isip kamandoan kanila sa pagbansay, pagpalambo ug paggamit sa Reserve Force sa Philippine Air Force sa Northern Mindanao ug CARAGA Region.

Usa sa mga importanteng bahin sa panag-istoryahanay mao ang pagsiguro sa paspas nga paglihok sa Armed Forces sa tanang hugna sa mga operasyon ug alang sa integridad sa teritoryo ug pagtutok sa kaluwasan sa atung nasud. Kini nga interaksyon wala lamang nagtimaan sa pagsugod sa usa ka positibo nga alyansa sa buhatan apan nagduso usab kini sa pasalig sa pagpauswag sa pwersa pinaagi sa gipaambit nga mga tumong.


Samtang gikalipay usab ni Amplayo ang pag abi-abi sa pwersa ug nanghinaot kini sa sunod nga pagbisita ug nag ingon nga dili sila magmakuli pagpadangat sa ilang mga programa nga nag kinahanglan sa suporta diha sa buhatan ni Kongresista Lordan Suan tungod kay andam man kini alang sa pagtabang kanila aron mahatud ang tiunay nga serbisyo aron sa pag siguro sa seguridad sa rehiyon ug sa atong kinatibuk-ang nasud sa Pilipinas.

bottom of page