PhilHealth ID cards gihatud ug gi-apod-apod ngadto sa Valencia City Jail inmates

VALENCIA CITY, Bukidnon (PIA)--Gihatud ug gipang-apod-APOD sa PhilHealth ang mga Identification Cards (ID) sa mga inmates sa Valencia City Jail sa Bukidnon. Tungod niini pwede usab makabenepisyo ang pamilya sa mga binilanggo. Sa pagbisita kanila sa PhilHealth personnel, nagpasalamat ang kapin 150 ka mga piniriso sa Valencia City Jail tungod kay personal nga gitunol ang ilang PhilHealth iD cards ug membership records. Sumala ni Assistant Jail Warden Amador Galario, gihimo ang programa pinaagi sa pagpaningkamot sa management sa city jail aron magtabang sa mga nagkinahanglan niini labi na kung sila magsakit. Sumala sa pinakaulahing record, mikabat sa 369 ang total nga ihap sa mga inmates nga kinahanglan mahatagan ug ID cards pero sa pagkakaron, 154 pa lang ang nahatagan tungod kay ang uban kamulo pa nga gi-proseso ang mga requirements. Mipasabot si PhilHealth-Bukidnon Chief Romulo Lapuz, Jr. nga mahimo usab makabenepisyo ang "Qualified Dependents" uban ang mga pamilya sa mga binilanggo. Sumala ni PhilHealth-10 Field Operations Division Chief Maria Rhodella Monsanto, ihatag nila ang libreng konsultasyon aron makatabang sa mga inmates. Samtang, nagpasalamat si inmate ‘Alyas Gogong’ niini nga oportunidad. Nagpasalamat usab si ‘Alyas Diane’ sa Valencia City Jail Female Dormitory tungod sa aksyon ug tabang sa PhilHealth, uban sa pagpaluyo ug paningkamot sa City Jail Management nga matabangan ang mga inmates kabahin sa mga isyu sa panglawas. (JSAchacoso/GIP/PIA 10/Bukidnon)