top of page

Padayon sa pag pahigayon sa sunod-sunod nga pag bisita ang mga personahe sa opisina ni Cong.

Padayon sa pag pahigayon sa sunod-sunod nga pag bisita ang mga personahe sa opisina ni Cong. Lordan Suan nganha sa mga hinterland barangays sa tuyo nga ma dunggan ang mga yangongo ug makuha ang mga sentimyento ug hangyo sa katawhan aron kini ma pangitaan sa kasulbaran.


Pinangulohan ni 1st District Assistant Director Bert Amplayo, gi tambungan niini ang mga panagtipok-tipok sa mga kaigsoonang tang IPs kon indigenous people, ilabina atol sa ilang gina pahigayong ritwal.


Lakip sa na bisita na sa grupo ni Suan ang panagtipok sa mga residente sa Barangay Besigan ingon man sa Tuburan, asa kini gi paminaw ni Amplayo ang ilang mga nagka lain-laing tinguha aron mapalambo ang tagsa-tagsa nila ka mga komunidad.


Matud pa ni Amplayo nga tuyo gayud ni Kongresista Suan nga masayran ang mga inadlaw-adlaw nga pakig bisog ug hagit nga gi atubang sa katawhan sa Distrito Uno, ilabina sa mga lagyong dapit aron sa pag siguro nga walay ma biyaan sa kalambuan ug kaayohan sa katawhan nga iyang gi alagaran.

Dugang pa ni Amplayo, pinaagi niini, mapa lambo pa sa buhatan ni Cong. Suan ang pag paduol ug pag padangat sa batakang serbisyo sa kagamhanan ngadto sa mga tinuoray nga nanginahanglan.

Recent Posts

See All

Delsa Bar and Resto

Mindanao Reporter publisher Mona Lagbas interviews the owner of the coolest nighttime chill place in CDO, Delsa Bar and Resto, located along Villarin St in Barangay Carmen, CDO.

Commentaires


bottom of page