Mayor Klarex, KapKik Celebrate Sto. Niño at Carmen and Cogon markets

Sa atong pagselebrar sa balaan ug halangdong kapistahan ni Señor Sto. Niño, atoang gi sugdan atoang adlaw sa pag salmot sa usa ka santos nga misa nga gipahigayon sa Carmen Market uban si Kapitan 'KapKik Kikang' Uy, gi sundan usab kini sa atoang ribbon-cutting ceremony uban si Councilor Alam Lim alang sa bag-ong agianan sa Cogon Market.

Apan bisan paman sa kadaghan sa atoang gingbuhaton dili nato kalimtan ang kabalaan sa maong kasaulogan, gi awhag ko ang matag usa kanato sa pag-ampo, pagpasalamat, ug pagpaambit sa atong pagtuo. Kini nga kasaulugan nagpahinumdom kanato sa kinasingkasing nga pagtuo ug paglaum diha sa atong Mahal nga Patron, nga kanunay naggiya ug nagapanalipod sa atong tagsa-tagsa ka panimalay ug sa atong pinalanggang dakbayan.

Magpasalamat kita sa tanang mga grasya nga natagam-taman nato ug atoang panghinaot nga padayon kita nga giyahan ug panalipdad sa balaang bata ilabi na sa atoang padayon nga pag pabati sa tiunay ug kinasing-kasing nga serbisyo sa katawhan sa dakbayan.

Malipayong pagsaulog sa Kapistahan ni Señor Sto. Niño! Viva Señor Sto. Niño!