Dul-an sa 800 ka mga benepisyaryo ang naka pahimulos sa SLP orientation kon Sustainable Livelihood Program sa kagamhanan pinaagi sa inisyatiba ug paningkamot ni 1st District Cong. Lordan Suan sa pakig tambayayong sa DSWD Region X, asa kini gi pahigayon sa duha ka mga venue, usa didto sa Barangay Besigan samtang ang usa didto sa Barangay Iponan.
Didto sa Iponan, gi aghat ni Cong. Suan ang mga benepisyaryo nga palamboun nila ang ilang ginagmay nga negosyo gamit ang pundo balor og 15 mil kada usa aron kini makatabang sa ilang inadlaw-adlaw nga galastuon sa pamilya.
Samtang didto sa Barangay Besigan, gi aghat usab sa representante ni Suan nga si 1st District Assistant Director Bert Amplayo ang mga benepisyasryo nga kat-onan ang pag plano ug mga pamaagi unsaun sa pag pa-uswag sa ilang patigayon isip tinubdan sa ilang panginabuhian, butang kini nga gi uyonan sa katawhan nga gustong ma angat ang kahimtang sa kinabuhi.
Dugang pa ni Amplayo nga parte gayud sa mga programa ni Suan nga mapakusgan ang sektor sa mga ginagmay nga patigayon ug nga padayon siyang mo suporta niini ilabina isip vice chairman sa MSMEs kon Micro, Small and Medium Enterprises nga komitiba didto sa Ubos Balay Balauranan.
コメント