KONGRESISTA SUAN DIHA SA PAGPALIG-ON SA PAMILYA GIHATAGAN OG IMPORTANSYA
Isip pasidungog sa pamilyang Pilipino giduso karon ni District 1 Congressman Atty. Lordan Suan ang HB09322 kon FAMILY BONDING AND CARE LEAVES ACT.
Nakasubay niini nga balaudnon mao ang pagpalambo sa koneksyon ug pag-atiman sa pamilya pinaagi sa paghatag ug leave sa mga empleyado sa pribado man ug pampublikong sektor aron sila makaapil sa importanteng mga kalihokan sa pamilya ug makahatag og suporta sa panahon sa panginahanglan.
Kini naglakip sa School Events Leave ug Government Transactions Leave nga limitado lamang sa lima (5) ka adlaw kada tuig, Family Events Leave nga hangtod sa tulo (3) ka adlaw matag tuig samtang mahimo usab makakuha sa Emergency Leave ang empleyado sama sa Burial and Bereavement Leave, Home Relocation Leave, Emergency Leave, Hospitalization Leave, samtang sa Paternity Leave adunay hangtod sa walo (8) ka adlaw nga sweldado ang mga lalaki nga empleyado para sa unang upat ka pagpanganak sa ilang asawa ug kwalipikado sa noncumulative leave nga hangtod sa napulo (10) ka adlaw sa trabaho matag tuig ang mga solo parents ug lima (5) ka adlaw nga Parental Leave sa mga nakaserbisyo ug labing minus usa ka tuig ang mga dili solo parent.
Sigon ni kongresista Suan nga ang pamilya usa sa mga katoyuan sa pagpanarbaho sa matag empleyado ug aduna kini importanteng papel busa gitinguha kini nga masuportahan labi kay mao usab kini ang makahatag og kusog sa atong katilingban.
תגובות