top of page

Kauswagan mayor, molingkod isip presidente sa ALGOA




KAUSWAGAN, Lanao del Norte (PIA)--Gi-turn-over na ngadto kang Kauswagan Mayor ug League of Organic Agriculture Municipalities, Cities, and Provinces of the Philippines National President Rommel Arnado ang liderato sa Asian Local Governments for Organic Agriculture (ALGOA). Ang ALGO usa ka sub organization sa International Federation of Organic Agriculture Movements-Organics Asia nga naga-coordinate sa sobra 200 local governments sa Asia aron i-promote ang organic agriculture. "It is with the greatest honor that I accept the presidency of ALGOA from Goesan County, a most dedicated and loyal supporter of ALGOA for the past 7 years. Together we will explore the manifestations of organic districts as of the holistic methods of developing organic agriculture among ALGOA members in Asia," sumala ni Arnado. (Uban sa labing dako nga dungog nga akong gidawat ang pagkapangulo sa ALGOA gikan sa Goesan County, usa ka labing dedikado ug maunongon nga tigpaluyo sa ALGOA sa miaging 7 ka tuig. Magkauban natong tukion ang mga pagpakita sa mga organikong distrito sama sa holistic nga pamaagi sa pagpalambo sa organikong agrikultura sa mga miyembro sa ALGOA sa Asya) Dako sab ang pagsalig ni Mayor Song In-heon sa Goesan County sa South Korea, sa pagpangulo ni Arnado. Gipasiugda ni Arnado ang paglusad sa duha ka mahinungdanong inisyatibo—ang ALGOA-LOAMCP Organic Academy ug ang ALGOA-Young Elected Officers Network. Matod ni IFOAM-Organics Asia President Mathew John, kini nga kalambuan adunay dakong importansya isip mga mayor, gobernador, konsehal, ug uban pang mga magbabalaod nga nagkahiusa ubos sa ALGOA aron sa pagpalambo ug pagpatuman sa organic agriculture. Si Arnado molingkod sab isip co-president sa Global Alliance of Organic District (GAOD) nga usa ka initiative sa ALGOA ug European Partners, lakip ang International Network sa Ecoregions nga naka-base sa Rome, Italy. Tuyo sa maong kolaborasyon nga mapahugot ug mapagarbo pa ang organic agriculture development tali sa mga miyembro sa ALGOA sa Asia. Nipadayag si Salvatore Basile, ang co-president sa GAOD, sa iyang inspirasyon ug pagdayeg sa mga nahimo sa Kauswagan sa pagsulbad sa mga panagbangi ug malampusong pagpatuman sa proseso sa kalinaw nga miresulta pagpauswag sa seguridad ug Kauswagan sa katawhan sa nasud. Aduna usab mga sesyon diin ang mga lider sa Italy ug Tunisia gipresenta ang ilang mga estratehiya alang sa pagtukod og organic districts. Gihisgutan pud unsaon pagtabang sa organic agriculture sa pagpalig-on sa ecological preservation sa China, ang implementation sa organic agriculture sa sustainable development sa East Manggarai Regency sa Indonesia, ug organic agriculture development sa Nagaland, India. (LELA/PIA-10/Lanao del Norte)

Comments


bottom of page