Prov'l Atty.Angel Lim:"Tanan Mga Nakalot Nga Mga Papeles Accountable Forms"

Ni Mona Lagbas

July 3, 2025, Cagayan de Oro City_Sa exclusive interview sa Mindanao Reporter kang Misamis Oriental Provincial Legal Officer Angel Lim, siya nagabutyag nga ang tanan mga dokumento nga nakalot sulod sa Provincial Jail sa lungsod sa Initao, mga accountable forms.

Sukwahi sa mga pamahayag ni kanhi Provincial legal officer Neil Pacana nga ang mga papeles nga nadiskobre puro lang mga personal data sheets ug mga salary adjustments, si Attorney Lim miingon nga dapat iplastar ug maayo ang mga papeles kay public documents man kini ug masayon ra makita kung kinanglan ang mga hard copies.

Samtang si kanhi Provincial Administrator John Ladaga mibalibad sa pagtubag sa mga pangutana sa Mindanao Reporter.

Misamis Oriental Legal Officer Angel Lim

Dugang ni Attorney Lim nga sa panahon nga niadto siya sa maong lugar aron pag-instalar ni Major Labor isip bag-ong warden, mihisgot si kanhi warden Roy Bahian nga adunay gipanglubong nga mga papeles sulod sa Provincial Jail. Sa dihang gikalot kining maong lugar, nadiskobrehan nga naay mga pinutos nga mga papeles.

Sa iyang mensahe, gitawag ni Attorney Lim nga "irregular" ang paglubong sa mga papeles.