PHASE 6 SA PROJECT LUNHAW POSIBLENG MA-TURNOVER SA AGOSTO

HUMAN gibuksan ang pipila ka bahin sa Project Lunhaw diha sa Plaza Divisoria partikular na ang Magsaysay Park, ug JR Borja Monument/Kiosko Kagawasan posibleng buksan na usab ang Phase 6 nga mao ang mini-amphitheater nga nag-atubang sa Cagayan de Oro River sa bulan sa Agosto.

Ang pagtrabaho sa Plaza Divisoria redevelopment project ug paspas nga pag-turnover ug pag-abri sa Magsaysay Park ug JR Borja Monument/Kiosko Kagawasan nahitabo ilawom sa administrasyon ni Mayor Rolando `Klarex’ Uy.

S i Project Lunhaw head Patrick Gabutina mipasabot nga ang Project Lunhaw usa ka climate resiliency project nga nagtumong sa pag-transfom sa Plaza Divisoria ngadto sa usa ka walkable, bikable, green urban space sa sentro sa Cagayan de Oro.

Ang maong proyekto naglangkob sa open theatre, new amphitheatre, viewing deck, 1-level car park (30 cars), rentable tenant spaces alang sa MSMEs, multiple fountains ug usa ka multi-purpose building nga adunay recreational area, uban ang tulay nga magkutay sa new City Amphitheater. (ALR/CIO/Photos by Reynan Baylin & Kim Zaldivar/CIO)