MAYOR KLAREX, HILLSVIEW HOMEOWNERS ASSN MIPIRMA’G MOA ALANG SA 1,860 UNITS KA PANIMALAY

MATUMAN na sa dili madugay ang katukuran sa 1,860 nga housing units alang sa Hillsview Homeowners Association, Inc. sa Barangay Lumbia human gipirmahan sa syudad pinaagi ni Mayor Rolando `Klarex’ Uy ang Memorandum of Agreement (MOA) uban sa mga opisyales sa maong HOA.

Si Cesar Pagapula-an Jr., acting department manager sa City Housing and Urban Development Department (CHUDD) namahayag nga ang kasabutan nagtimaan sa padayon nga commitment sa lokal nga kagamhanan ubos sa administrasyon ni Mayor Klarex paghatag og desente ug luwas nga panimalay alang sa katawhan.

Usa ang housing program sa nag-unang prayoridad ni Mayor Klarex nga nagsiguro nga makabaton og tinud-anay nga serbisyo ug oportunidad ang mga benepisyaryo nga makaangkon og kaugalingong panimalay.

Ang MOA signing napahigayon pinaagi sa paninguha sa CHUDD inabagan sa mga HOAs ug housing partners nga naningkamot aron mapaabot ang programa sa mas epektibo ug inclusive nga paagi.

(ALR/CIO/Photos from CHUDD)