Kapin Tunga Ka Bilyon Ka Pesos 'Cash Advances' Sa Ulahing Termino Ni Kanhi Mayor Oscar Moreno 'Unliquidated'

By Mona Lagbas

Mokabat sa tunga ka bilyon ka pesos nga mga 'cash advances' ni kanhi Cagayan de Oro Mayor Oscar "Oca" Moreno ang gikonsidera nga 'unliquidated' kon wala pa masayri kun asa nakapaingon ang maong kantidad nga salapi sulod lamang sa ulahing termino isip mayor sa tuig 2019 ngadto sa 2021.

Matud pa sa reliable sources, kini subay sa migawas nga data sa Full Disclosure Policy (FDP) sa kagamhanan pinasikad sa DILG Memorandum Circula No. 2010-83 diin nagtumong nga ang matag lokal nga kagamhanan sa nasud kinahanglan transparent sa publiko sa mga galastuhon niini.

Dugang pa sa report, nasayran nga gikan sa FDP anaa sa kapin 586 milyones pesos ang kantidad nga cash advances sa kanhi mayor nga 'unliquidated'.