Ila-ilahon Ta Si Attorney Lordan Suan

Mga Higala, undecided pa ba mo? Ako, si Atty. Lordan Suan, inyong Kongresista ug alagad sa katawhan sa Dakbayan sa Cagayan de Oro. Kung inyong tugutan, gusto ko nga ipadayon ang atong nasugdan nga serbisyo —matinud-anon, ug maabtikong pag-alagad. Andam ko pirme motabang ug maminaw sa inyong mga tingog. Kuyog ta, mga Higala, padayon ta sa buhat ug kalamboan nga kitang tanan makatagamtam!

Gikan sa pagkabatan-on, akong gipili ang dalan sa edukasyon ug propesyon nga makatabang sa uban. Nakagradwar ko sa Xavier University diin nakuha nako ang akong degree sa Business Management ug ang Bachelor of Laws. Human sa akong pagpanumpa isip abogado, misulod ko sa serbisyo publiko uban ang tinguha nga mahatagan ug tingog ang katawhan.

Sa akong termino isip Congressman sa Unang Distrito sa Cagayan de Oro, gihatagan nako og prayoridad ang mga proyekto nga makahatag ug tinuod nga kaayohan sa komunidad—lakip na ang pagpatuman sa daghang infrastructure projects sama sa mga farm-to-market roads, covered courts, ug multi-purpose buildings. Gipalapdan usab ang access sa tubig ug street lighting aron mas maprotektahan ang katawhan.

Sa social services, padayon ta sa pagtabang sa mga estudyante pinaagi sa educational assistance, medical aid alang sa mga masakiton, ug burial assistance sa mga pamilya nga nawadaan sa ilang mga minahal. Tibuok distrito, naningkamot ta nga walay mabiyaan.

Sa Kongreso, misang-at ko og mga balaod ug resolusyon nga nagtutok sa youth development, livelihood programs, ug suporta sa local cooperatives. Akong gisiguro nga ang mga balaod nga atong gihimo, motubag sa tinuod nga panginahanglan sa katawhan.

Sa tabang ug suporta ninyo, nakadawat ko og pasidungog, dili tungod sa personal nga ambisyon, kundi isip usa ka timaan nga padayon ang atong paningkamot sa matinud-anong serbisyo. Apan sa tanang panahon, magapabilin ko nga mapainubsanon ug andam nga maminaw sa inyong mga tingog.

𝗗𝗮𝗴𝗵𝗮𝗻 𝗻𝗮’𝗴 𝗻𝗮𝗯𝘂𝗵𝗮𝘁, 𝗱𝗮𝗴𝗵𝗮𝗻 𝗽𝗮’𝗴 𝗺𝗮𝗯𝘂𝗵𝗮𝘁.