top of page

DENR SEC. LOYZAGA NGADTO NI GPMU: “YOU HAVE OUR FULL SUPPORT”

By: Rejiann Ammor R. Maygay/PIO, Misamis Oriental Provincial Information Office FB Page

MISUPORTA si Department of Environment and Natural Resources (DENR) Ma. Antonia Yulo-Loyzaga sa mga programa ni Governor Peter “Sr. Pedro” Unabia. Kini human gipadayag ni Unabia ang iyang mga panglantaw sa lalawigan atol sa Governor’s Night niadtong Pebrero 2, 2023.

Gipasalamatan ni Sec. Loyzaga ang kaikag ni Gobernador Unabia pagpatuman sa mga programa alayon sa Sustainable Development Goals. Usa na niini ang paghingusog sa partnership uban ang mga ahensya nga dunay kalambigitan sa maong hisgutanan. Andam makigtambayayong ang DENR sa panggamhanang probinsyal sa pagbatok sa mga environmental issues sama nalang sa climate change ug ang pagtabang sa mga residente nga anaa sa coastal areas.

Lakip sab sa nauyonang plano mao ang paghatag og panginabuhian isip tabang sa mga biktima sa kalamidad.

Duyog sa maong kalihukan mao ang Provincial Board Members, CDO City 1st District Congressman Lordan Suan, CDO City 2nd District Rufus Rodriguez, Governors, Congressmen ug Mayors gikan sa Rehiyon 9, 10, 11, 12 ug 13 lakip na ang Regional Executive Directors, Provincial Tourism Office ug uban pa.

Hulagway kuha ni: Marvin Gilig/PIO





Comments


bottom of page