top of page

P110M PUNDO GITAGANA ALANG SA CITY COLLEGE

MOKABAT sa P110 milyones ang pundo nga igahin sa kagamhanang local ubos sa administrasyon ni Mayor Rolando “Klarex” Uy alang sa katukoran sa city college diha sa Barangay Dansolihon ning syudad.

Sa datos nga gihatag sa city college Technical Working Group nga gimugna ni Mayor Klarex, P100 milyones sa maong pundo ang gitagana alang sa building or infrastructure, samtang P10 milyones usab alang sa initial nga pundo sa operation.

Nasayran nga 10 ka ektaryang luna ang tukoran sa city college, diin maglakip na niini ang faculty residence ug dormitory alang sa mga estudyante.

Kahinumdoman nga 46 ka ektaryang yuta ang gidonar sa tribal council sa Brgy Dansolihon kang Mayor Klarex alang sa laraw niining city college diin kursong agrikultura ang usa sa mga priority courses. (ACM/CIO)


Text by: Cagayan de Oro City Information Office/Facebook Page

Photo by: Cagayan de Oro City Information Office/Facebook Page




Comments


bottom of page