Konseho mibasura sa kaso batok kapitan sa Brgy 15

Konseho mibasura sa kaso batok kapitan sa Brgy 15

HINIUSANG gisagop sa konseho sa syudad ubos ni Bise Mayor Bebot Rodriguez ang gipakanaug nga orden sa komite sa ethics and blue ribbon ni Konsehal Edgar Cabanlas nga nagbasura sa kasong gipasaka batok ni kapitan Lucilo Legaspi sa barangay No. 15.

Sa maong orden gipasabot nga ang nanumbong dili na interesado sa gipasakang kaso tungod kay wala kini motambong sulod sa duha ka panahon nga gihatagan sa higayon nga makapasabot sa giingong kalapasan nga nahimo sa kapitan.

Ang orden sa komite gipaluyuhan nila ni Konsehal Cabanlas, Jose Pepe Abbu Jr. ug Roger Abaday.

Ang resolosyon nga gisagop sa konseho alang sa maong katuyuan gipaluyuhan usab sa komite sa pamalaod ni Konsehal Ian Mark Nacaya. (JNortiza/SP)